XVII Халықаралық «Еуразия» кинофестивалінің аясында халықаралық байқау өтеді. 24-30 қараша аралығында бұл алаңда әлемнің түкпір-түкпірінен қоғам үшін үйреншікті, сондай-ақ жаңашыл фильмдер ұсынылады. Көрермендер өзекті тақырыптар, мәдени феномен және кинематографиядағы жаңа батыл қадамдармен жақынырақ танысады. Биыл байқау бағдарламасы үш континенттен келген 12 фильмді қамтиды. Қатысушылардың сан алуандылығы фестивальдің ауқымын кеңейтеді.
Сынға түсетін фильмдер Бангладеш пен Оңтүстік Кореядан бастап, Австрия мен Қатарға дейінгі мәдениет мен болмыстың кескінін көрсетеді. Еуропа, Азия және Таяу Шығыстан келген шығармашылық топтар әмбебап тақырыптар мен жергілікті контекстті біріктіретін жұмыстарды ұсынбақ.
Байқау қатысушылары жанр мен тақырыптардың кең ауқымын көрсетеді. Әлеуметтік драмалар мен бір адамның тағдырынан бастап, өмір жайлы философиялық пайымдауларға дейін қамтылған. Осылайша халықаралық конкурс тек көркемдік мәнімен ғана емес, сонымен қатар көрермендерге таныс дүниені жаңа қырынан таныстыруды мақсат етеді.
Байқауда бақ сынайтын әрбір жұмыстың өзіндік көркемдік ойы бар.
1. «To a Land Unknown» (Ұлыбритания, Франция, Германия және т.б. 2024, 105 мин.)
Фильм екі палестиналық босқынның Афинада өмір сүруге тырысып, жарқын болашақ жайлы арманын баяндайды. Бұл достық, құрбан ету және жаңа үй іздеу туралы терең эмоционалды оқиға. Қазіргі миграция мәселесіне назар аударылған.
2. «Nirvana» (Бангладеш, 2024, 82 мин.)
Бұл философиялық фильм үш адамның өмірін суреттейді. Олар ішкі жан дүниесіндегі жарық үшін күреседі. Картина әлеуметтік нормалар мен ішкі ұмтылыстар арасындағы шекараларды зерттеп, көрермендерге өзіндік қорытынды жасауға мүмкіндік береді.
3. «My Favourite Cake» (Иран, Франция, Швеция, Германия, 2024, 97 мин.)
Кездейсоқ кездесу Тегерандағы 70 жастағы жесір әйелдің өміріне жаңа үміт пен қуаныш әкеледі. Бұл фильм жаңа әлеммен танысуға және махаббатты қайта сезінуге ешқашан кеш емес екенін көрсетеді.
Байқауға қатысатын фильмдер түрлі тақырыптарды қозғайды:
– Көші-қон мәселесі және өзіндік тұлғаны іздеу («To a Land Unknown»)
– Рухани трансформация және ішкі дүниені тану («Nirvana»)
– Әлеуметтік жанжал мен трагедия («Next to Nothing»)
– Дәстүр мен жаңғыру қиындықтары («Land of Our Mothers»)
– Ересек жаста жаңа мән іздеу («My Favourite Cake»)
– Аңсау және философиялық ізденістер («Moon»)
– Әйелдік тұлға және отбасы («House of the Seasons»)
– Тұлға болу және ішкі жаумен күрес («Disco Boy»)
– Діни және рухани ойлар («Citizen Saint»)
– Өткеннің қазіргіге әсері («Brief History of a Family»)
– Махаббат – мәңгілік тақырып («Надо снимать фильмы о любви»)
– Тұлғаның қалыптасуы, өсу және өзіңді іздеу («Тұл»)
Бұл туындылар тек кинематографиялық шеберліктің жоғары деңгейін көрсетіп қана қоймай, көрермендерге қазіргі әлемге деген өз көзқарастарын өзгертуге мүмкіндік береді.
Халықаралық конкурс «Еуразия» кинофестивалінің маңызды құрамдас бөлігі және оның мәдени алаң ретіндегі мәртебесін айқындайды. Байқау қатысушылары Канн, Берлин, Венеция сияқты беделді кинофестивальдерде мойындалған жұмыстарды ұсынады. Сондай-ақ халықаралық кинематографиялық қауымдастықта өз жолын жаңа бастаған фильмдер де бар.
Байқау әртүрлі елдердің мәдени дәстүрлерін ұштастырып, әрбір картинаның ерекшелігін бағалауға мүмкіндік береді. Шараның түрлі қырлары арқылы ол кино әлеміне саяхат жасауға жол ашады, ешкімді бей-жай қалдырмайды.
«Еуразия» кинофестивалінің халықаралық байқауында стандартқа айналған кинематографиялық формалардың шекарасынан шығатын фильмдерді тамашалауға болады. Әрбір туынды мәдени диалог орнатып, өнер арқылы адамдарды жақындата түседі. 2024 жылы көрермендерді шабыттандыратын, таңғалдыратын және жүректе терең із қалдыратын оқиғалар күтіп тұр.
Дәстүрлі фестивальдің негізін қалаушы және ұйымдастырушы – ҚР Мәдениет және ақпарат министрлігі. Кинофестивальді тікелей ұйымдастыру Шәкен Айманов атындағы «Қазақфильм» ұлттық киностудиясына жүктелген.
Айта кетейік, іс-шараға Bazis-A халықаралық құрылыс компаниясы, KAZ Minerals кен өндіру компаниясы, Sarens Kazakhstan, Eurasian Resources Group (ERG), Salem Entertainment, Kinopark Theatres кинотеатрлар желісі және Astana Motors демеушілік етті.
