ХVII «Еуразия» халықаралық кинофестивалін ұйымдастыру және өткізу ережелері (Регламент) жарияланды. Онда сіз фестивальдің конкурстық және конкурстан тыс бағдарламалары, жеңімпаздардың номинациялары, жүлделері, ақшалай сыйақылары, фестивальдің конкурстық және басқа бағдарламаларына қатысу үшін фильмдер ұсыну тәртібі, ұсынылатын материалдарға қойылатын техникалық талаптар туралы ақпаратты таба аласыз.

Қазіргі уақытта қатысушыларды іріктеу басталды. Қатысу үшін қатысушының электронды өтінімін толтыру қажет. Оны https://eurasiaiff.info  кинофестивальдің сайтында екі түрлі әдіспен жүзеге асыруға болады. «Өтінімдерді қабылдау» батырмасына басу арқылы тікелей сайттың өзінде немесе FILMFREEWAY батырмасы арқылы өтіп, форманы арнайы платформада толтыруға болады. Өтінімдерді 2024 жылғы 31 қазан сағат 18.00-ден кеш емес мерзімге дейін тапсыруға болады. (толығырақ – Регламентте)

Жақын арада іріктеу комиссиясының және конкурстық бағдарламалардың қазылар алқасының құрамы, сондай-ақ барлық қажетті ақпарат жарияланатын болады.