Киносүйер қауым үшін ерекше мүмкіндік туды. Әлемдік деңгейдегі үздік фильмдер Алматыда үлкен экранда көрсетіледі. XVII Халықаралық «Еуразия» кинофестивалінің «Әлемдік панорама» бағдарламасы көрермендердің жан дүниесіне жаңа сезім сыйлап, оларды шығармашылық әлемге жетелейді.

«Әлемдік панорама» ерекше туындылардың көрмесіне айналып үлгерді. Бағдарламада елеулі жетістікке жеткен, көркемдік құндылығы жоғары фильмдер ғана ұсынылған. Әрбір жұмыс тек көрермендерді ғана емес, кәсіби мамандарды да терең ойға жетелеп, ұмытылмас сезім сыйлап, болмыстың жаңа қырларын ашуға шақырады. Картиналар әлеуметтік және философиялық мәселелерді қозғайды, адамгершілік қасиеттің құндылығын айшықтайды. Биылғы бағдарламаның таңдаулы фильмдері:

1. «Тау қалыңдығы» (Италия, Франция, Бельгия, 2024)

Екінші дүниежүзілік соғыс кезінде орын алған махаббат пен қасірет жайлы әсерлі драма. Фильм адамдардың тағдырын ашып көрсетіп, жаһандық оқиғалардың жеке өмірлерге әсерін баяндайды.

2. «Сұлтан ханымның арманы» (Испания, Германия, 2023)

Бұл утопиялық фильм гендерлік стереотиптер мен әлеуметтік теңдік туралы ой қозғайды. Сюжет әйелдер басқаратын қоғам мен оқшауланған ерлер әлемін бейнелей отырып, болашақ қоғамға жаңа көзқараспен қарауға шақырады.

3. «Хаяо Миядзаки және құс» (Жапония, 2024)

Хаяо Миядзакидің шығармашылық өміріне арналған деректі фильм танымал Studio Ghibli студиясының шеберін жаңа қырынан көрсетеді. Бұл фильм – анимация өнеріне қызығатын әрбір жан үшін қайталанбас туынды.

4. «Жалғыздық күндері» (Испания, Франция, Португалия, 2024)

Оңтүстік еуропалық өркениеттің қалыптасуындағы ең жарқын және қайғылы жақтарының бірі болып саналатын испан корридасының қараңғы тұстары туралы зертеу фильмі.

Дәстүрлі фестивальдің негізін қалаушы және ұйымдастырушы – ҚР Мәдениет және ақпарат министрлігі. Кинофестивальді тікелей ұйымдастыру Шәкен Айманов атындағы «Қазақфильм» ұлттық киностудиясына жүктелген.

Бас серіктес: Bazis-A халықаралық құрылыс компаниясы.

Айта кетейік, іс-шараға KAZ Minerals кен өндіру компаниясы, Sarens Kazakhstan, Eurasian Resources Group (ERG), Salem Entertainment, Kinopark Theatres кинотеатрлар желісі, Astana Motors, «Қазақтелеком» АҚ және A-Event KZ демеушілік етті.

Ақпараттық серіктестер: «Хабар» АҚ, Qazaqstan телеарнасы, «НТК» телеарнасы, «Европа плюс Казахстан», «Эльдорадио», Qazaq Gazetteri, Egemen Qazaqstan, «Казахстанская правда», «Антенна Казахстан», «Новое поколение», ORDA, «ҚазАқпарат» ХАА, ArbatMedia, El.kz, Baq.kz, BaigeNews.